Бердіқожа батыр
1708–1786
Бердіқожа батыр — Шанышқылы руынан шыққан көрнекті қолбасшы әрі мемлекет қайраткері. Ол өмірін елін жаудан қорғауға арнады: жоңғарларға қарсы Бұланты және Аңырақай шайқастарына қатысты, 1756 жылы Абылай хан әскерінің құрамында Қазақстанға басып кірген Қытай әскерлеріне қарсы соғысты. 1771 жылы Еділ қалмақтарының Сарыарқа арқылы өтуіне қарсы күресті. Батыр 1786 жылдың қаңтарында қырғыздарға қарсы жорықта қаза тапты. Оны керуен жолының бойында зор құрметпен жерледі. 2011 жылы Ә. Марғұлан атындағы Археология институтының экспедициясы батыр жерленген жерді дәл анықтады.